KOMUNIKATË PËR MEDIAT

Drejtuesi i Prokurorisë së Posaçme të Republikës së Shqipërisë, z. Arben Kraja, mori pjesë në Konferencën e Dytë  Rajonale me tematikë “Rikuperim Efektiv i Aseteve në Përputhje me Standardet Evropiane” mbajtur në Podgoricë, Mal i Zi, në datën 14 Tetor 2022 organizuar nga Qendra Advice on Individual Rights in Europe – AIRE, në bashkëpunim me Sekretariatin Regional Anti-Corruption Inittiative – RAI dhe Ministrinë e Drejtësisë së Malit të Zi.

Pjesëmarrja e përzgjedhur në këtë Konferencë me rëndësi për rajonin përbëhej nga funksionarë të lartë dhe ekspertë të rajonit por edhe më gjerë si: Kryeministri i Malit të Zi, z. Dritan Abazovic; Zv/Shefi i misionit të Ambasadës Britanike, z. Steve Arrick; Drejtor i Programit të Ballkanit Perëndimor  të qendrës AIRE, znj. Biljana Braithwaite; Drejtues i Sekretriatit RAI, znj. Desislava Gotskova; Ministri i Drejtësisë së  Malit të Zi, z. Marko Adzic; Ministri i Brendshëm i Malit të Zi, Filip Adzic, Prokurori Europian EPPO, z. Jaka Brezigar;  Prokuror Shteti në Veprim Suprem i Malit të Zi, znj. Maja Jovanovic; Kryeprokurori i Posaçëm i Malit të Zi, z. Vladimir Novovic; Prokurori i Drejtorisë Kombëtare të Anti-Mafias dhe Antiterrorizmit në Itali, znj. Michele del Prete; Zëvendësdrejtori i Zyrës për Luftën ndaj Korrupsionit dhe Krimit të Organizuar të Kroacisë, USKOK, znj. Marija Vucko; Prokurori Publik  i Prokurorisë së Lartë Publike të Serbisë, z. Miljko Radisavljevic.

Qëllimi i këtij projekti është të inkurajojë bashkëpunimin rajonal përmes krijimit të një rrjeti rajonal të profesionistëve të rikuperimit të aseteve që mbështesin negociatat midis juridiksioneve për marrëveshje gjithëpërfshirëse dypalëshe dhe shumëpalëshe për ndarjen e aseteve dhe kapacitetet e vazhdueshme.

Drejtuesi i SPAK prezantoi eksperiencën dhe rezultatet e punës së autoriteteve ligjzbatuese në Shqipëri në fushën e identifikimit, sekuestrimit dhe konfiskimit të aseteve kriminale, si dhe vënien në dispozicion të këtyre pasurive për rritjen e kapaciteteve të punës së institucioneve ligjzbatuese. Z. Kraja zhvilloi takime pune me pjesëmarrës homologë të vendeve të rajonit me qëllim forcimin e bashkëpunimit në luftën kundër krimit të organizuar, pastrimit të parave dhe korrupsionit në rajonin e Ballkanit Perëndimor.

Njoftimet e Fundit

Njoftim për shtyp (Datë 09.12.2023)

Kreu Rreth nesh Misioni Veprimtaria Drejtuesi i SPAK Prokurorët Drejtori i BKH Struktura Prokuroria e Posaçme Byroja Kombëtare e Hetimit Legjislacion Kushtetuta Kodet Ligjet për...

Read More
Njoftim për shtyp (Datë 08.12.2023)

Kreu Rreth nesh Misioni Veprimtaria Drejtuesi i SPAK Prokurorët Drejtori i BKH Struktura Prokuroria e Posaçme Byroja Kombëtare e Hetimit Legjislacion Kushtetuta Kodet Ligjet për...

Read More
Njoftim për shtyp (Datë 06.12.2023)

Kreu Rreth nesh Misioni Veprimtaria Drejtuesi i SPAK Prokurorët Drejtori i BKH Struktura Prokuroria e Posaçme Byroja Kombëtare e Hetimit Legjislacion Kushtetuta Kodet Ligjet për...

Read More
Adresa
All Rights Reserved: Spak.gov.al