Shpallje për lëvizje paralele dhe pranim në shërbim civil pranë Prokurorisë së Posaçme kundër Korrupsionit dhe Krimit të Organizuar në pozicionin Specialist Prokurimesh, në Sektorin e Buxhetit dhe Prokurimeve

Shpallje për lëvizje paralele dhe pranim në shërbim civil pranë Prokurorisë së Posaçme kundër Korrupsionit dhe Krimit të Organizuar në pozicionin Specialist Prokurimesh, në Sektorin e Buxhetit dhe Prokurimeve, në Drejtorinë e Buxhetit dhe Menaxhimit Financiar.

Në mbështetje të ligjit nr. 95/2016, “Për organizimin dhe funksionimin e institucioneve për të luftuar korrupsionin dhe krimin e organizuar”, të ndryshuar, të ligjit nr. 97/2016, “Për organizimin dhe funksionimin e prokurorisë në Republikën e Shqipërisë”, të ndryshuar, të nenit 22 dhe 25, të ligjit nr. 152/2013, “Për nëpunësin civil”, të ndryshuar, të Kreut II, III, IV dhe VII, të Vendimit nr. 243, datë 18.03.2015, të Këshillit të Ministrave “Për pranimin, lëvizjen paralele, periudhën e provës dhe emërimin në kategorinë ekzekutive”, të ndryshuar, Prokuroria e Posaçme kundër Korrupsionit dhe Krimit të Organizuar shpall procedurat e lëvizjes paralele dhe pranimit në shërbimin civil për kategorinë ekzekutive në pozicionin:

• 1 (një) Specialist Prokurimesh, në Sektorin e Buxhetit dhe Prokurimeve, në Drejtorinë e Buxhetit dhe Menaxhimit Financiar, Kategoria ekzekutive, Klasav IV-1

Pozicioni i mësipërm, i ofrohet fillimisht nëpunësve civilë të së njëjtës kategori për procedurën e lëvizjes paralele. Vetëm në rast se, në përfundim të procedurës së lëvizjes paralele, rezulton se ky pozicion është ende vakant, ai është i vlefshëm për konkurimin nëpërmjet procedurës së pranimit nga jashtë shërbimit civil.

Afati për dorëzimin e dokumentave për:   LËVIZJE PARALELE

data 07/02/2026

Afati për dorëzimin e dokumentave për:   PRANIM NË SHËRBIMIN CIVIL

data 12/02/2026

Përshkrimi përgjithësues i punës për pozicionin si më sipër është:

1. është përgjegjës që në bazë vlerës monetare të fondeve në dispozicion të përcaktojë procedurën e prokurimit, si dhe zhvillimin e këtyre procedurave, duke garantuar respektimin e parimeve të trajtimit të barabartë, transparencës, konkurrencës dhe mosdiskriminimit, në përputhje me rregullat dhe legjislacionin në fuqi;
2. përgatit dhe përpilon bashkë me anëtarët e tjerë të njësisë së prokurimit dokumentat e tenderit, kërkesat për kualifikim dhe kriteret e vlerësimit/kriteret e përzgjedhjes në përputhje me legjislacionin në fuqi dhe siguron nënshkrimin e tyre nga të gjithë anëtarët e komisionit të njësisë së prokurimit, apo grupeve të punës për prokurimin publik;
3. kryen proceset e prokurimit në sistemet përkatëse sipas parashikimeve ligjore, në bashkëpunim me nëpunësit e caktuar në komisione të ndryshme për prokurimin e kontratave mall/punë/shërbime;
4. sipas grupit të punës të ngarkuar në procesin e prokurimit, kryen detyrat sëbashku me anëtarët e tjerë të komisionit, duke evidentuar në procesverbal të gjitha etapat e ndjekura për procedurën e prokurimit, në përputhje me legjislacionin në fuqi;
5. është përgjegjës për hartimin dhe përgatitjen e kontratave sipas klasifikimit të tyre në bazë të procedurës, që kanë të bëjnë me prokurimet, që kryhen nga institucioni, duke mbrojtur në çdo kohë interesat e institucionit që përfaqëson;
6. administron në një dosje të gjithë dokumentacionin e procedurës së prokurimit duke filluar nga planifikimi deri në zbatimin e kontratës dhe merr masat për dorëzimin e tyre në arkivën e Prokurorisë së Posaçme, ku ruhen dhe administrohen sipas mënyrës dhe kohës që parashikohet në ligjin për arkivat si dhe në ligjin për informimin publik;
7. në bazë të kërkesave për punë, mallra ose shërbime së bashku me Përgjegjësin e Sektorit është përgjegjës për sigurimin e të dhënave të nevojshme nga strukturat përkatëse në institucion për përgatitjen dhe dorëzimin e regjistrit vjetor të parashikimeve të prokurimeve publike për Prokurorinë e Posaçme, brënda afateve kohore në përputhje me legjislacionin e prokurimeve;
8. është përgjegjës që për fondet e krijuara apo të shtuara, për Prokurorinë e Posaçme së bashku me Përgjegjësin e Sektorit të hartojnë regjistra shtesë në sistemin e prokurimit elektronik dhe të dorëzojnë një kopje të tyre në zyrën e thesarit të Tiranës, për të reflektuar ndryshimet përkatëse;
9. është përgjegjës që ndjekjen e rregjistrit të parashikimeve të procedurave të prokurimit publik;
10. është përgjegjës për dorëzimin çdo katër muaj dhe vjetor të regjistrit të realizimeve të prokurimeve publike, për Prokurorinë e Posaçme, brënda afateve kohore në përputhje me legjislacionin e prokurimeve;
11. ndjek dhe zbaton me përpikëri legjislacionin në fushën e prokurimeve dhe në çdo rast informon (me shkrim apo në mënyrë verbale) kancelarin/ drejtorin/ përgjegjësin e sektorit, për ecurinë e procesit të një prokurimi që nga nisja, përgjatë dhe në përfundim të tij;
12. informon në kohë dhe në formën e kërkuar për ecurinë e procesit dhe problematikat e mundshme, për risqet, si dhe për masat që mund të merren për të adresuar këto risqe;
13. koordinon me Agjensinë e Prokurimit Publik dhe Institucionet të tjera, për zgjidhjen me efikasitet të problemeve, që lindin gjatë zbatimit të procedurave të prokurimit publik;
14. harton dhe kthen përgjigje brenda afateve të përcaktuara për kërkesat e sektorit duke respektuar afatet ligjore;
15. përveç detyrave dhe përgjegjësive të mësipërme, kryen edhe detyra të tjera, të ngarkuara nga eprori i drejtpërdrejt, ose eprorët e tjerë sipas hierarkisë, në përputhje me ligjin.

I. LËVIZJA PARALELE

Kanë të drejtë të aplikojnë për këtë procedurë vetëm nëpunësit civilë të së njëjtës kategori, në të gjitha insitucionet pjesë e shërbimit civil.

1.1 KUSHTET PËR LËVIZJEN PARALELE DHE KRITERET E VECANTA

Kandidatët duhet të plotësojnë kushtet për lëvizjen paralele si vijon:

a) Të jenë nëpunës civilë të konfirmuar, brenda së njëjtës kategori (ekzekutive), vërtetuar me vendimin e konfirmimit të statusit;

b) Të mos kenë masë disiplinore në fuqi (të vërtetuar me një dokument nga institucioni);

c) Të ketë të paktën vlerësimin e fundit “mirë” apo “shumë mirë”;

d) Për t’u pranuar në shërbimet e Prokurorisë së Posaçme, kandidatët duhet të plotësojnë kushtet e sigurisë të caktuara me ligj të veçantë, si dhe japin pëlqimin për kontrollin periodik të llogarive të tyre bankare dhe të telekomunikimeve vetjake, të nënshkruar nga kandidati dhe familjarët e afërm të kandidatit.

 

Kandidatët duhet të plotësojnë kërkesat e posaçme si vijon:

a) Të zotërojnë diplomë të nivelit “Master Shkencor” në Shkenca Juridike. Edhe diploma e nivelit “Bachelor” duhet të jetë në të njëjtën fushë. (Diplomat të cilat janë marrë jashtë vendit, duhet të jenë të njohura paraprakisht pranë institucionit përgjegjës për njehsimin e diplomave sipas legjislacionit në fuqi);

b) Të kenë jo më pak se 5 (pesë) vite përvojë pune në profesion;

c) Të zotërojë një gjuhë të huaj të BE-së, vërtetuar me çertifikatë;

d) Të ketë çertifikata të ndryshme trajnimi, preferohet trajnime në fushën specifike;

e) Të plotësojë kushtet dhe kriteret për pajisjen me certifikatë sigurie sipas legjislacionit në fuqi për informacionin e klasifikuar;

f) Të ketë aftësi të mira komunikimi dhe të punës në grup.

 

1.2 DOKUMENTACIONI, MËNYRA DHE AFATI I DORËZIMIT 

Kandidatët që aplikojnë duhet të dorëzojnë dokumentat si më poshtë:

a) Formularët e firmosur sipas nenit 6, paragrafi 1, të ligjit nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”, i ndryshuar, sipas linkut të mëposhtëm: https://spak.gov.al/wp-content/uploads/2024/03/formularet-sipas-ligjit-nr.95-v.2016.pdf

Sqarim: Tek formulari aplikuesi plotëson Aneksi A, Shtojca B, Deklarata 2 dhe Shtojca C, pika A. Secili anëtar i familjes në certifikatë plotëson Shtojca B, Deklarata 3 dhe Shtojca C, pika B.

b) Kërkesë për të konkuruar në pozicionin e shpallur në procedurën përkatëse,

c) Jetëshkrim i plotësuar në përputhje me formatin Europass, së bashku me një foto, sipas linkut të mëposhtëm: http://www.dap.gov.al/legjislacioni/udhezime-manuale/60-jeteshkrimi-standard;

d) Fotokopje të letërnjoftimit (ID)

e) Fotokopje të certifikatës familjare;

f) Vërtetim të gjëndjes shëndetsore (vlefshmëria maksimumi 3 muaj);

g) Vlerësimi i fundit nga eprori direkt;

h) Kopje të noterizuar të Diplomës së Shkollës së Lartë (përfshirë çertifikatën e notave). Për diplomat e marra jashtë Republikës së Shqipërisë të përcillet njehsimi nga Ministria e Arsimit dhe e Sportit;

i) Fotokopje të librezës së punës (të gjitha faqet që vërtetojnë eksperiencën në punë);

j) Vërtetim nga institucioni që nuk ka masë disiplinore në fuqi;

k) Akti i konfirmimit të statusit të nëpunësit civil përfshirë dhe kategorinë e pagës;

l) Certifikate/diplomë që vërteton njohuri të një gjuhe të huaj të BE-së;

m) Deshmi penaliteti/Vetëdeklarim të gjëndjes gjyqësore;

n) Vërtetim nga Gjykata;

o) Vërtetim nga Prokuroria që nuk ndiqet penalisht;

p) Çdo dokument tjetër që vërteton trajnimet, kualifikimet, arsimim shtesë, lerësimet pozitive apo të tjera të përmendura në CV e kandidatit.

Aplikimi dhe dorëzimi i të gjitha dokumenteve të cituara më sipër do të bëhet duke u dorëzuar me postë ose fizikisht në mjediset e Prokurorisë së Posaçme pranë Zyrës së Protokollit në adresën: Rruga: “Jordan Misja”, Nr. 1, Tiranë, brenda datës 07.02.2026.

 

Për çdo pyetje apo paqartësi mund të dërgoni e-mail në adresën [email protected]

Mosparaqitja e dokumentacionit të kërkuar përbën shkak për s’kualifikim të kandidatit.

1.3 REZULTATET PËR FAZËN E VERIFIKIMIT PARAPRAK

Njësia përgjegjëse e Prokurorisë së Posaçme kundër Korrupsionit dhe Krimit të Organizuar, do të shpallë në portalin “Shërbimi Kombëtar i Punësimit”, në faqen zyrtare të internetit dhe në stendat e informimit me publikun të institucionit, listën e kandidatëve që plotësojnë kushtet e lëvizjes paralele dhe kërkesat e veçanta, si dhe datën, vendin dhe orën e saktë ku do të zhvillohet intervista.

Në të njëjtën datë kandidatët që nuk i plotësojnë kushtet e lëvizjes paralele dhe kërkesat e veçanta do të njoftohen individualisht nga Njësia përgjegjëse e Prokurorisë së Posaçme për shkaqet e moskualifikimit (nëpërmjet adresës së e-mail).

1.4 FUSHAT E NJOHURIVE, AFTËSITË DHE CILËSITË MBI TË CILAT DO TË ZHVILLOHET INTERVISTA

Kandidatët do të testohen në lidhje me:

a) Njohuritë mbi Kushtetutën e Republikës së Shqipërisë, të ndryshuar;

b) Njohuritë mbi ligjin nr. 95/2016, “Për organizimin dhe funksionimin e institucioneve për të luftuar korrupsionin dhe krimin e organizuar”, të ndryshuar;

c) Njohuritë mbi ligjin nr. 97/2016, “Për organizimin dhe funksionimin e Prokurorisë në Republikën e Shqipërisë”, të ndryshuar;

d) Njohuritë mbi ligjin nr. 44/2015, “Kodi i Procedurave Administrative të Republikës së Shqipërisë”;

e) Njohuritë mbi ligjin nr. 152/2013, “Për Nëpunësin Civil”, të ndryshuar,

f) Njohuritë mbi ligjin nr. 124/2024, “Për mbrojtjen e të dhënave personale”;

g) Njohuritë mbi ligjin nr. 119/2014, “Për të drejtën e informimit”;

h) Njohuritë mbi ligjin nr. 9131, datë 08.09.2003, “Për rregullat e etikës në administratën publike”;

i) Njohuritë mbi ligjin nr. 9367, datë 07.04.2005, “Për parandalimin e konfliktit të interesave në ushtrimin e funksioneve publike”, të ndryshuar;

j) Njohuritë mbi ligjin nr. 10/2023, “Për informacionin e klasifikuar”;

k) Njohuritë mbi ligjin nr. 90/2012, “Për organizimin dhe funksionimin e administratës shtetërore në Republikën e Shqipërisë”;

l) Njohuritë mbi ligjin nr. 162, datë 23.12.2020, “Për prokurimin publik”, të ndryshuar,

m) Njohuritë mbi ligjin nr. 36/2020, “Për Prokurimet në fushën e mbrojtjes dhe të Sigurisë”;

n) Njohuritë mbi Vendimin e Këshillit të Ministrave 285, datë 19.05.2021, “Për miratimin e rregullave të prokurimit publik”, të ndryshuar;

o) Njohuritë mbi Vendimin e Këshillit të Ministrave nr. 1170, datë 24.12.2020, “Për miratimin e rregullave të prokurimit në fushën e mbrojtjes dhe të sigurisë”;

p) Njohuritë mbi Udhëzimin e Agjensisë së Prokurimit Publik, në fushën e prokurimit;

1.5 MËNYRA E VLERËSIMIT TË KANDIDATËVE

 

Kandidatët do të vlerësohen ne lidhje me njohuritë, aftësitë, kompetencën në lidhje me përshkrimin e pozicionit të punës sipas rubrikës së vlerësimit të mëposhtme:

a) në 20 pikë për përvojen,

b) 10 pikë për trajnimet apo kualifikimet e lidhura me fushën përkatëse,

c) 10 pikë për certifikimin pozitiv;

Totali i pikëve në përfundim për dokumentacionin e dorëzuar është 40 pikë.

Kandidatët gjatë intervistës së strukturuar me gojë do të vlerësohen në lidhje me:

a) Njohuritë, aftësitë, kompetencën në lidhje me përshkrimin e pozicionit të punës;

b) Eksperiencën e tyre të mëparshme;

c) Motivimin, aspiratat dhe pritshmëritë e tyre për karrierën.

Totali i pikëve në përfundim të intervistës së strukturuar me gojë është 60 pikë.

Më shumë detaje në lidhje me vlerësimin me pikë, metodologjinë e shpërndarjes së pikëve, mënyrën e llogaritjes së rezultatit përfundimtar i gjeni në Udhëzimin nr. 2, datë 27.03.2015 “Për procesin e plotësimit të vendeve të lira në shërbimin civil nëpërmjet procedurës së lëvizjes paralele, ngritjes në detyrë për kategorinë e mesme dhe të ulët drejtuese dhe pranimin në shërbimin civil në kategorinë ekzekutive nëpërmjet konkurrimit të hapur”, të Departamentit të Administratës Publike, faqa zyrtare www.dap.gov.al http://www.dap.gov.al/legjislacioni/udhezime-manuale/54-udhezim-nr-2-date-27-03-2015

1.6 DATA E DALJES SË REZULTATEVE TË KONKURIMIT DHE MENYRA E KOMUNIKIMIT

Në përfundim të vlerësimit të gjithë kandidatët pjesëmarrës në këtë procedurë do të njoftohen individualisht në mënyrë elektronike nga Prokuroria e Posaçme kundër Korrupsionit dhe Krimit të Organizuar, për rezultatet (nëpërmjet adresës së e-mail).

Në përfundim të procesit të ankimimit nga Prokuroria e Posaçme do të shpallet lista e fituesve me të paktën 70 pikë (70% të pikëve), do të shpallë në portalin “Shërbimi Kombëtari Punësimit”, në faqen zyrtare të internetit dhe stendat e informimit me publikun të institucionit. Kandidat fitues është ai që renditet i pari ndër kandidatët që kanë marrë të paktën 70 pikë (70% të pikëve).

II. PRANIM NË SHËRBIMIN CIVIL

Vetëm në rast se nga pozicioni i renditur në fillim të kësaj shpalljeje, në përfundim të procedurës së lëvizjes paralele, rezulton se ende është pozicion vakant, ky pozicion është i vlefshëm për konkurimin nëpërmjet procedurës së pranimit në shërbimin civil për kategorinë ekzekutive.

2.1 KUSHTET QË DUHET TË PLOTËSOJË KANDIDATI NË PROCEDURËN E PRANIMIT NË SHËRBIMIN CIVIL DHE KRITERET E VEÇANTA

Për këtë procedurë kanë të drejtë të aplikojnë të gjithë kandidatët jashtë sistemit të shërbimit civil, që plotësojnë kërkesat e përgjithshme sipas nenit 21, të ligjit 152/2013 “Për nëpunësin civil”, të ndryshuar.

Kushtet që duhet të plotësojë kandidati në procedurën e pranimit në shërbimin civil janë:

a) Të jetë shtetas shqiptar;

b) Të ketë zotësi të plotë për të vepruar;

c) Të zotërojë gjuhën shqipe, të shkruar dhe të folur;

d) Të jetë në kushte shëndetësore që e lejojnë të kryejë detyrën përkatëse;

e) Të mos jetë i dënuar me vendim të formës së prerë për kryerjen e një krimi apo për kryerjen e një kundërvajtjeje penale me dashje;

f) Ndaj tij të mos jetë marrë masa disiplinore e largimit nga shërbimi civil, që nuk është shuar sipas ligjit 152/2013 “Për nëpunësin civil”, të ndryshuar;

Kandidatët duhet të plotësojnë kërkesat e posaçme si vijon:

a) Të zotërojnë diplomë të nivelit “Master Shkencor” në Shkenca Juridike. Edhe diploma e nivelit “Bachelor” duhet të jetë në të njëjtën fushë. (Diplomat të cilat janë marrë jashtë vendit, duhet të jenë të njohura paraprakisht pranë institucionit përgjegjës për njehsimin e diplomave sipas legjislacionit në fuqi);

b) Të kenë jo më pak se 5 (pesë) vite përvojë pune në profesion;

c) Të zotërojë një gjuhë të huaj të BE-së, vërtetuar me çertifikatë;

d) Të ketë çertifikata të ndryshme trajnimi, preferohet trajnime në fushën specifike;

e) Të plotësojë kushtet dhe kriteret për pajisjen me certifikatë sigurie sipas legjislacionit në fuqi për informacionin e klasifikuar;

f) Të ketë aftësi të mira komunikimi dhe të punës në grup.

 

2.2 DOKUMENTACIONI, MËNYRA DHE AFATI I DORËZIMIT

Kandidatët që aplikojnë duhet të dorëzojnë dokumentat si më poshtë:

a) Formularët e firmosur sipas nenit 6, paragrafi 1, të ligjit nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”, i ndryshuar, sipas linkut të mëposhtëm:

https://spak.gov.al/wp-content/uploads/2024/03/formularet-sipas-ligjit-nr.95-v.2016.pdf

Sqarim: Tek formulari aplikuesi plotëson Aneksi A, Shtojca B, Deklarata 2 dhe Shtojca C, pika A. Secili anëtar i familjes në certifikatë plotëson Shtojca B, Deklarata 3 dhe Shtojca C, pika B.

b) Kërkesë për të konkuruar në pozicionin e shpallur në procedurën përkatëse,

c) Jetëshkrim i plotësuar në përputhje me formatin Europass, së bashku me një foto, sipas linkut të mëposhtëm:

http://www.dap.gov.al/legjislacioni/udhezime-manuale/60-jeteshkrimi-standard;

d) Fotokopje të letërnjoftimit (ID)

e) Vërtetim të gjëndjes shëndetsore (vlefshmëria maksimumi 3 muaj);

f) Vlerësimi i fundit/referencë;

g) Kopje të noterizuar të Diplomës së Shkollës së Lartë (përfshirë çertifikatën e notave). Për diplomat e marra jashtë Republikës së Shqipërisë të përcillet njehsimi nga Ministria e Arsimit dhe e Sportit;

h) Fotokopje të librezës së punës (të gjitha faqet që vërtetojnë eksperiencën në punë);

i) Certifikate/diplomë që vërteton njohuri të një gjuhe të huaj të BE-së;

j) Deshmi penaliteti/Vetëdeklarim të gjëndjes gjyqësore;

k) Vërtetim nga Gjykata;

l) Vërtetim nga Prokuroria që nuk ndiqet penalisht;

m) Çdo dokument tjetër që vërteton trajnimet, kualifikimet, arsimim shtesë, lerësimet pozitive apo të tjera të përmendura në CV e kandidatit.

Aplikimi dhe dorëzimi i të gjitha dokumenteve të cituara më sipër do të bëhet duke u dorëzuar me postë ose fizikisht në mjediset e Prokurorisë së Posaçme pranë Zyrës së Protokollit në adresën: Rruga: “Jordan Misja”, Nr. 1, Tiranë, brenda datës 12.02.2026.

Mosparaqitja e dokumentacionit të kërkuar përbën shkak për s’kualifikim të kandidatit.

2.3 REZULTATET PËR FAZËN E VERIFIKIMIT PARAPRAK

Njësia përgjegjëse e Prokurorisë së Posaçme kundër Korrupsionit dhe Krimit të Organizuar, do të shpallë në  portalin “Shërbimi Kombëtar i Punësimit”, në faqen zyrtare të internetit dhe në stendat e informimit me publikun të institucionit, listën e kandidatëve që plotësojnë kushtet sgw kriteret e veçanta, si dhe datën, vendin dhe orën e saktë ku do të zhvillohet testimi me shkrim dhe intervista.

Në të njëjtën datë kandidatët që nuk i plotësojnë kushtet dhe kriteret e veçanta do të njoftohen individualisht nga Njësia përgjegjëse e Prokurorisë së Posaçme për shkaqet e moskualifikimit (nëpërmjet adresës së e-mail).

2.4 FUSHAT E NJOHURIVE, AFTËSISTË DHE CILËSITË MBI TË CILAT DO TË ZHVILLOHET TESTIMI DHE INTERVISTA

Kandidatët do të testohen në lidhje me:

a) Njohuritë mbi Kushtetutën e Republikës së Shqipërisë, të ndryshuar;

b) Njohuritë mbi ligjin nr. 95/2016, “Për organizimin dhe funksionimin e institucioneve për të luftuar korrupsionin dhe krimin e organizuar”, të ndryshuar;

c) Njohuritë mbi ligjin nr. 97/2016, “Për organizimin dhe funksionimin e Prokurorisë në Republikën e Shqipërisë”, të ndryshuar;

d) Njohuritë mbi ligjin nr. 44/2015, “Kodi i Procedurave Administrative të Republikës së Shqipërisë”;

e) Njohuritë mbi ligjin nr. 152/2013, “Për Nëpunësin Civil”, të ndryshuar;

f) Njohuritë mbi ligjin nr. 124/2024, “Për mbrojtjen e të dhënave personale”;

g) Njohuritë mbi ligjin nr. 119/2014, “Për të drejtën e informimit”;

h) Njohuritë mbi ligjin nr. 9131, datë 08.09.2003, “Për rregullat e etikës në administratën publike”;

i) Njohuritë mbi ligjin nr. 9367, datë 07.04.2005, “Për parandalimin e konfliktit të interesave në ushtrimin e funksioneve publike”, të ndryshuar;

j) Njohuritë mbi ligjin nr. 10/2023, “Për informacionin e klasifikuar”;

k) Njohuritë mbi ligjin nr. 90/2012, “Për organizimin dhe funksionimin e administratës shtetërore në Republikën e Shqipërisë”;

l) Njohuritë mbi ligjin nr. 162, datë 23.12.2020, “Për prokurimin publik”, të ndryshuar;

m) Njohuritë mbi ligjin nr. 36/2020, “Për Prokurimet në fushën e mbrojtjes dhe të Sigurisë”;

n) Njohuritë mbi Vendimin e Këshillit të Ministrave 285, datë 19.05.2021, “Për miratimin e rregullave të prokurimit publik”, të ndryshuar;

o) Njohuritë mbi Vendimin e Këshillit të Ministrave nr. 1170, datë 24.12.2020, “Për miratimin e rregullave të prokurimit në fushën e mbrojtjes dhe të sigurisë”;

p) Njohuritë mbi Udhëzimin e Agjensisë së Prokurimit Publik, në fushën e prokurimit;

2.5 MËNYRA E VLERËSIMIT TË KANDIDATËVE

Kandidatët do të vlerësohen ne lidhje me njohuritë, aftësitë, kompetencën në lidhje me përshkrimin e pozicionit të punës sipas rubrikës së vlerësimit të mëposhtme:

a) Jetëshkrimin, që konsiston në vlerësimin e arsimimit, të përvojës e të trajnimeve, të lidhura me fushën (deri në 15 pikë);

b) Vlerësim me shkrim. (deri në 60 pikë);

c) Intervistën e strukturuar me gojë që konsiston në motivimin, aspiratat dhe pritshmëritë e tyre për karrierën. (deri në 25 pikë)

Më shumë detaje në lidhje me vlerësimin me pikë, metodologjinë e shpërndarjes së pikëve, mënyrën e llogaritjes së rezultatit përfundimtar i gjeni në Udhëzimin nr. 2, datë 27.03.2015 “Për procesin e plotësimit të vendeve të lira në shërbimin civil nëpërmjet procedurës së lëvizjes paralele, ngritjes në detyrë për kategorinë e mesme dhe të ulët drejtuese dhe pranimin në shërbimin civil në kategorinë ekzekutive nëpërmjet konkurrimit të hapur”, të Departamentit të Administratës Publike, faqa zyrtare www.dap.gov.al http://www.dap.gov.al/legjislacioni/udhezime-manuale/54-udhezim-nr-2-date-27-03-2015

2.6 DATA E DALJES SË REZULTATEVE TË KONKURIMIT DHE MËNYRA E KOMUNIKIMIT

Në përfundim të vlerësimit të gjithë kandidatët pjesëmarrës në këtë procedurë do të njoftohen individualisht në mënyrë elektronike nga Prokuroria e Posaçme kundër Korrupsionit dhe Krimit të Organizuar mbi rezultatin vlerësimit të testimit me shkrim, vlerësimit të jetëshkrimit, si dhe për intervistën strukturuar me gojë.

Në përfundim të afatit të ankimimit, Prokuroria e Posaçme, do të shpallë fituesin në portalin “Shërbimi Kombëtar i Punësimit”, në faqen zyrtare të internetit dhe stendat e informimit me publikun të institucionit. Kandidatë fitues janë kandidatët që kanë marrë mbi 70 pikë (70% të pikë), duke u renditur nga kandidati me rezultatin më të lartë.

Të gjithë kandidatët që aplikojnë për procedurën e pranimit në shërbimin civil, do të informohen për fazat e mëtejshme të kësaj proçedure:

– për datën e daljes së rezultateve të verifikimit paraprak,

– datën, vendin dhe orën ku do të zhvillohet konkurimi; 

Për të marrë këtë informacion, kandidatët duhet të vizitojnë në mënyrë të vazhdueshme portalin “Shërbimi Kombëtar i Punësimit”, faqen zyrtare të internetit të Prokurorisë së Posaçme kundër Korrupsionit dhe Krimit të Organizuar dhe stendat e informimit me publikun të institucionit.