NJOFTIM MBI ZHVILLIMIN E FAZËS SË TRETË TË INTERVISTËS SË STRUKTURUAR ME GOJË MBI PROCEDURËN E KONKURRIMIT PËR HETUES FINANCIAR

Komisioni i Përzgjedhjes së Hetuesve Financiar, i përbërë nga Dorina Bejko, Sotir Kllapi dhe Dritan Prençi, i ngritur me Urdhrin e Drejtuesit të Prokurorisë së Posaçme nr. 36260, datë 10.10.2025*, zhvilluan fazën e tretë, atë të intervistës së strukturuar me gojë, për 4 (katër) pozicione për Hetues Financiar, në Sektorin e Hetimit Financiar më datë 23.10.2025.

Në këtë fazë morën pjesë 10 kandidatët e kualifikuar nga dy fazat e mëparshme, të cilët u vlerësuan nga Komisioni i Përzgjedhjes sipas pikëve përkatëse.

Më datë 24.10.2025, Komisioni i Përzgjedhjes bëri pikëzimin përfundimtar të tre fazave dhe hartoi listën me renditjen e kandidatëve duke filluar nga kandidati me rezultatin më të lartë, të pasqyruar në tabelën e mëposhtme:

TABELA E VLERËSIMIT PËR KANDIDATËT PËR TË TRE FAZAT E KONKURRIMIT

Pas përfundimit të afatit të ankimit, të përcaktuar ne rregulloren nr. 248, datë 27.04.2022 “Për caktimin e rregullave për organizimin e procedurës së konkurimit dhe emërimit të hetuesve të Sektorit të Hetimit Financiar, në Prokurorinë e Posaçme”, kandidatët të cilët kanë grumbulluar në minimum 70 pikë, do t’i nënshtrohen fazës së verifikimit të figurës dhe deklarimit të pasurisë, në përputhje me nenin 6, të ligjit nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”, të ndryshuar, sipas një njoftimi të dytë nga Prokuroria e Posaçme. 

* Sqarim:

Pas përfundimit të fazës së testimit me shkrim, anëtari i Komisionit të Përzgjedhjes, z. Klodian Braho, më datë 06.10.2025 paraqiti kërkesën për dorëheqjen nga ky komision, duke çmuar se gjendet në kushtet e konfliktit të interesit, pasi kishte shprehur interes pranë Këshillit të Lartë të Prokurorisë për pozicionin e Drejtuesit të Prokurorisë së Posaçme. Kërkesa e tij u pranua nga Drejtuesi i Prokurorisë së Posaçme, i cili me Urdhrin nr. 36260, datë 10.10.2025, “Për ndryshimin e përbërjes së Komisionit të Përzgjedhjes së Hetuesve Financiar”, kreu zëvendësimin me prokurorin Dritan Prençi.