Shpalljet për pozicionet vakante në BKH janë publike dhe cilido që vlerëson se mund të plotësoj kushtet dhe kriteret, të përcaktuara në ligjin nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”, i ndryshuar, është i mirëpritur për të aplikuar.

Procesi i rekrutimeve në Byronë Kombëtare të Hetimit është nën optikën e vazhdueshme të partnerëve të huaj, si Komisioni i Pavarur i Rishikimit i përbërë nga ekspertë të drejtësisë penale, të caktuar nga misionet e Bashkimit Europian dhe Qeverisë së Shteteve të Bashkuara të Amerikës në Shqipëri, ICITAP, të cilët e kanë asistuar dhe monitoruar në mënyrë aktive qysh prej fillimit, me qëllim ngritjen dhe konstituimin e BKH-së.