SHPALLJE PËR NËPUNËS CIVIL, LËVIZJE PARALELE DHE PRANIM NË SHËRBIMIN CIVIL LLOJI I DIPLOMËS “SHKENCA EKONOMIKE” NIVELI I DIPLOMËS ‘’BACHELOR”, “MASTER SHKENCOR/MASTER PROFESIONAL” Specialist i Shërbimeve Mbështetëse në Drejtorinë e Financës dhe Shërbimeve Mbështetëse Kategoria IV-1.

SHPALLJE PËR NËPUNËS CIVIL,

LËVIZJE PARALELE DHE PRANIM NË SHËRBIMIN CIVIL

LLOJI I DIPLOMËS “SHKENCA EKONOMIKE” NIVELI I DIPLOMËS ‘’BACHELOR”, “MASTER SHKENCOR/MASTER PROFESIONAL”

Në zbatim nenit 7 të Ligjit Nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”, i ndryshuar, të nenit 22 dhe të nenit 25, të Ligjit Nr. 152/2013, “Për nëpunësin civil”, i ndryshuar, Ligjit Nr. 97/2016 “Për organizimin dhe Funksionimin e Prokurorisë në Republikën e Shqipërisë” dhe të Vendimit të Këshillit të Ministrave Nr. 243, datë 18/03/2015, “Për pranimin, lëvizjen paralele, periudhën e provës dhe emërimin në kategorinë ekzekutive”, i ndryshuar, Byroja Kombëtare e Hetimit shpall procedurat e lëvizjes paralele dhe pranimit në shërbimin civil për pozicionin:

§ Specialist i Shërbimeve Mbështetëse në Drejtorinë e Financës dhe Shërbimeve Mbështetëse. Kategoria IV-1.

Pozicionet më sipër, u ofrohen fillimisht nëpunësve civilë të së njëjtës kategori për procedurën e lëvizjes paralele! Vetëm në rast se nga këto pozicione, në përfundim të procedurës së lëvizjes paralele, rezulton se ende ka pozicione vakante, ato janë të vlefshme për konkurrimin nëpërmjet procedurës së pranimit në shërbimin civil për kategorinë ekzekutive.

Kandidatët që do të aplikojnë duhet të kenë parasysh edhe normimet e parashikuara në nenin 6 të Ligjit nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”, i ndryshuar.

Për të dy procedurat (lëvizje paralele dhe pranim në shërbimin civil) aplikohet në të njëjtën kohë!

Afati për dorëzimin e Dokumenteve:

Shih procedurat përkatëse

Përshkrimi përgjithësues i punës për pozicionin si më sipër është:

· Asiston Përgjegjësin e Sektorit të Shërbimeve Mbështetëse, për të gjitha çështjet që lidhen me menaxhimin e shërbimeve mbështetëse, të miradministrimit të burimeve ekzistuese në përputhje të kërkesave të punonjësve të strukturës.

· Kryen detyra administrative dhe punë teknike, përfshirë planifikimin, organizimin, mbikëqyrjen e shërbimit që mbulon në seksionin e shërbimeve mbështetëse.

· Harton pasqyrat përmbledhëse për kërkesat që ka BKH, për mallra, shërbime e investime.

· Mban në formë tabelore dhe vizive të përditësuar regjistrin e aktiveve te institucionit referuar akteve ligjore e nënligjore ne fuqi.

· Merr pjesë në grupet e punës për detajimin mujor e vjetor të buxhetit të miratuar për shërbimet.

· Zbaton procedurat standarde të punës, lidhur me administrimin, dokumentimin dhe kontrollin mujor të përdorimit të aseteve.

· Plotëson dhe raporton evidencat.

· Kryen detyra mbi hartimin dhe zbatimin e procedurave të prokurimit, në zbatim të buxhetit të miratuar për të strukturën.

· Kryen detyra dhe merr pjesë në procesin e vlerësimit dhe asgjësimit të vlerave materiale, të cilat kanë humbur funksionalitetin e tyre, dhe nuk mund të jenë pjesë e inventarit të pasurisë së strukturës.

· Kryen çdo detyre tjetër të ngarkuar nga akte ligjore, nënligjore, rregullore dhe dokumente të tjera.

LËVIZJA PARALELE

Kanë të drejtë të aplikojnë për këtë procedurë vetëm nëpunësit civilë të së njëjtës kategori, në të gjitha institucionet pjesë e shërbimit civil.

1.1	KUSHTET PËR LËVIZJEN PARALELE DHE KRITERET E VEÇANTA

Kandidatët duhet të plotësojnë kushtet për lëvizjen paralele si vijon:

a. Të jenë nëpunës civil të konfirmuar, brenda së njëjtës kategori (ekzekutiv),

b. Të mos kenë masë disiplinore në fuqi (të vërtetuar me një dokument nga institucioni);

c. Të kenë të paktën vlerësimin e fundit “mirë” apo “shume mirë” (të vërtetuar me formularin e vlerësimit individual të punës) (për kandidatët e institucioneve që sapo kanë hyrë në shërbimin civil kërkohet vlerësim nga eprori direkt);

Kandidatët duhet të plotësojnë kriteret e veçanta si vijon:

a. Të zotërojnë diplomë të nivelit “Master Shkencor/Master Professional”, në shkencat Ekonomike, edhe diploma e nivelit “Bachelor” duhet të jetë në të njëjtën fushë. (Diplomat të cilat janë marrë jashtë vendit, duhet të jenë të njohura paraprakisht pranë institucionit përgjegjës për njehsimin e diplomave sipas legjislacionit në fuqi).

b. Të kenë eksperiencë pune jo më pak se 5 vite eksperiencë pune në profesion.

c. Të kenë aftësi të mira komunikuese dhe të punës në grup.

1.2	DOKUMENTECIONI, MËNYRA DHE AFATI I DORËZIMIT

Kandidatët duhet të dorëzojnë pranë Byrosë Kombëtare të Hetimit, Institucioni ku ndodhet pozicioni për të cilin ata dëshirojnë të aplikojnë, dokumentet si më poshtë:

a. Formularët e firmosur nenit 6, të Ligjit nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”, i ndryshuar;

b. Kërkesë për aplikim;

c. Jetëshkrimi;

d. Fotokopje të diplomës dhe listës së notave (përfshirë edhe diplomën Bachelor);

e. Fotokopje të librezës së punës (të gjitha faqet që vërtetojnë eksperiencën në punë);

f. Fotokopje të Kartës së Identitetit (ID);

g. Vlerësimin e fundit nga eprori direkt;

h. Vërtetim nga institucioni që nuk ka masë disiplinore në fuqi;

i. Vërtetim të gjendjes shëndetësore;

j. Vërtetim të gjendjes gjyqësore;

k. Vërtetim nga Prokuroria e Rrethit Gjyqësor ku banon, që nuk ka çështje në ngarkim të tij/saj;

l. Vërtetim nga Gjykata e Shkallës së Parë ku banon, që nuk ka çështje në ngarkim të tij/saj;

m. Vërtetim nga Zyra Përmbarimore;

n. Çdo dokumentacion tjetër që vërteton trajnimet, kualifikimet, arsimim shtesë, vlerësimet pozitive apo të tjera të përmendura në jetëshkrimin tuaj.

Dokumentet duhet të dorëzohen në adresën e E-mail: [email protected] dhe fizikisht në Sekretarinë e Byrosë Kombëtare të Hetimit, brenda datës 03 shkurt 2025.

1.3	REZULTATET PËR FAZËN E VERIFIKIMIT PARAPRAK

Në datën 05 shkurt 2025, do të shpallet në faqen e internetit të BKH, lista e kandidatëve që plotësojnë kushtet e lëvizjes paralele dhe kriteret e veçanta.

Në të njëjtën datë kandidatët që nuk i plotësojnë kushtet e lëvizjes paralele dhe kriteret e veçanta do të njoftohen individualisht nga institucioni ku ndodhet pozicioni për të cilin ju dëshironi të aplikoni, nëpërmjet adresës tuaj të e-mail, për shkaqet e moskualifikimit.

1.4	FUSHAT E NJOHURIVE, AFTËSITË DHE CILËSITË MBI TË CILAT DO TË ZHVILLOHET INTERVISTA

Kandidatët do të vlerësohen në lidhje me:

a. Njohuri mbi Ligjin Nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”, i ndryshuar.

b. Njohuritë mbi Legjislacionin për Buxhetin.

c. Njohuritë mbi Ligjin Nr. 10 296, datë 8.07.2010, “Për Menaxhimin Financiar dhe Kontrollin”.

d. Ligji Nr.162, datë 23.12.2020 “Për prokurimin publik”, i ndryshuar.

e. Udhëzim Nr. 30 datë 27.12.2011 “Për menaxhimin e aktiveve në njësitë e sektorit publik”.

f. Njohuritë mbi Legjislacionin për Shërbimin Civil;

g. Njohuritë mbi Ligjin Nr. 9131, datë 08.09.2003, “Për rregullat e etikës në administratën publike”.

h. Njohuri mbi Ligjin Nr. 9887, datë 10.03.2008, “Për mbrojtjen e të dhënave personale”, i ndryshuar;

i. Legjislacioni për Informacionin e Klasifikuar “Sekret Shtetëror”.

1.5	MËNYRA E VLERËSIMIT TË KANDIDATËVE

Kandidatët do të vlerësohen në lidhje me Dokumentacionin e dorëzuar:

Kandidatët do të vlerësohen për përvojën, trajnimet apo kualifikimet e lidhura me fushën, si dhe certifikimin pozitiv.

Totali i pikëve për këtë vlerësim është 40 pikë.

Kandidatët gjatë intervistës së strukturuar me gojë do të vlerësohen në lidhje me:

Njohuritë, aftësitë, kompetencën në lidhje me përshkrimin e pozicionit të punës;

Eksperiencën e tyre të mëparshme;

Motivimin, aspiratat dhe pritshmëritë e tyre për karrierën.

Totali i pikëve për këtë vlerësim është 60 pikë.

1.6	DATA E DALJES SË REZULTATEVE TË KONKURIMIT DHE MËNYRA E KOMUNIKIMIT

Në përfundim të vlerësimit të kandidatëve, BKH do të shpallë fituesin në portalin e saj.

2	PRANIMI NË SHËRBIMIN CIVIL

Vetëm në rast se nga pozicionet e renditura në fillim të kësaj shpalljeje, në përfundim të procedurës së lëvizjes paralele, rezulton se ende ka pozicione vakante, këto pozicione janë të vlefshme për konkurrimin nëpërmjet procedurës së pranimit në shërbimin civil për kategorinë ekzekutive.

Për këtë procedurë kanë të drejtë të aplikojnë të gjithë kandidatët jashtë sistemit të shërbimit civil, që plotësojnë kërkesat e përgjithshme sipas nenit 21, të Ligjit Nr. 152/2013, “Për nëpunësin civil”, i ndryshuar.

2.1	KUSHTET QË DUHET TË PLOTËSOJË KANDIDATI NË PROCEDURËN E PRANIMIT NË SHËRBIMIN CIVIL DHE KRITERET E VEÇANTA

Kushtet që duhet të plotësojë kandidati në procedurën e pranimit në shërbimin civil janë:

a. Të jetë shtetas shqiptar;

b. Të ketë zotësi të plotë për të vepruar;

c. Të zotërojë gjuhën shqipe, të shkruar dhe të folur;

d. Të jetë në kushte shëndetësore që e lejojnë të kryejë detyrën përkatëse;

e. Të mos jetë i dënuar me vendim të formës së prerë për kryerjen e një krimi apo për kryerjen e një kundërvajtjeje penale me dashje;

f. Ndaj tij të mos jetë marrë masa disiplinore e largimit nga shërbimi civil, që nuk është shuar sipas Ligjit Nr.152/2013, “Për nëpunësin civil”, i ndryshuar.

Kandidatët duhet të plotësojnë kriteret e veçanta si vijon:

b. Të kenë eksperiencë pune jo më pak se 5 vite pune në profesion, në fushën përkatëse.

c. Të kenë aftësi të mira komunikuese dhe të punës në grup.

2.2	DOKUMENTACIONI, MËNYRA DHE AFATI I DORËZIMIT

Kandidatët që aplikojnë duhet të dorëzojnë dokumentet si më poshtë:

a. Formularët e firmosur sipas të nenit 6, të Ligjit nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”, i ndryshuar;

b. Kërkesë për aplikim;

c. Jetëshkrimi;

d. Fotokopje të diplomës dhe listës së notave (përfshirë edhe diplomën Bachelor);

e. Fotokopje të librezës së punës (të gjitha faqet që vërtetojnë eksperiencën në punë);

f. Fotokopje të kartës së identitetit (ID);

g. Vërtetim të gjendjes shëndetësore;

h. Vërtetim të gjendjes gjyqësore;

i. Vërtetim nga Prokuroria e Rrethit Gjyqësor ku banon, që nuk ka çështje në ngarkim të tij/saj;

j. Vërtetim nga Gjykata e Shkallës së Parë ku banon, që nuk ka çështje në ngarkim të tij/saj;

k. Vërtetim nga Zyra Përmbarimore;

l. Çdo dokumentacion tjetër që vërteton trajnimet, kualifikimet, arsimim shtesë, vlerësimet pozitive apo të tjera të përmendura në jetëshkrimin tuaj.

2.3	FUSHAT E NJOHURIVE, AFTËSITË DHE CILËSITË MBI TË CILAT DO TË ZHVILLOHET TESTIMI

Kandidatët do të vlerësohen në lidhje me:

a. Njohuri mbi Ligjin nr.95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”, i ndryshuar.

b. Njohuritë mbi Legjislacionin për Buxhetin.

c. Njohuritë mbi Ligjin Nr. 10 296, datë 8.07.2010, “Për Menaxhimin Financiar dhe Kontrollin”.

d. Ligji Nr.162, datë 23.12.2020 “Për prokurimin publik”, i ndryshuar.

e. Udhëzim Nr. 30 datë 27.12.2011 “Për menaxhimin e aktiveve në njësitë e sektorit publik”.

f. Njohuritë mbi Legjislacionin për Shërbimin Civil;

g. Njohuritë mbi Ligjin Nr. 9131, datë 08.09.2003, “Për rregullat e etikës në administratën publike”.

h. Njohuri mbi Ligjin Nr. 9887, datë 10.03.2008, “Për mbrojtjen e të dhënave personale”, i ndryshuar;

i. Legjislacioni për Informacionin e Klasifikuar “Sekret Shtetëror”.

2.4	MËNYRA E VLERËSIMIT TË KANDIDATËVE

Kandidatët do të vlerësohen në lidhje me:

a. Vlerësimin me shkrim, deri në 60 pikë;

b. Intervistën e strukturuar me gojë qe konsiston ne motivimin, aspiratat dhe pritshmëritë e tyre për karrierën, deri në 25 pikë;

c. Jetëshkrimin, që konsiston në vlerësimin e arsimimit, të përvojës e të trajnimeve, të lidhura me fushën, deri në 15 pikë;

Dokumentet duhet të dorëzohen në adresën e E-mail: [email protected] dhe fizikisht në Sekretarin e Byrosë Kombëtare të Hetimit brenda datës 06 shkurt 2025.

Të gjithë kandidatët që aplikojnë për procedurën e pranimit në shërbimin civil, do të informohen për fazat e mëtejshme të kësaj proçedure:

§ Për datën e daljes së rezultateve të verifikimit paraprak,

§ Datën, vendin dhe orën ku do të zhvillohet konkurrimi;

§ Mënyrën e vlerësimit të kandidatëve.

Njoftimet e Fundit

NJOFTIM MBI REZULTATET E VERIFIKIMIT PARAPRAK PËR

Shpallje për lëvizje paralele dhe pranim në

NJOFTIM MBI REZULTATET E VERIFIKIMIT PËRFUNDIMTAR PËR

NJOFTIM MBI REZULTATET E VERIFIKIMIT PËRFUNDIMTAR PËR