Mbi emërimin e tre prokurorëve të rinj në Prokurorinë e Posaçme

Këshilli i Lartë i Prokurorisë në mbledhjen e datës 19.05.2020 vendosi të emërojë si prokuror në Prokurorinë e Posaçme Z. Sotir Kllapi, Z. Dritan Prençi dhe Z. Vladimir Mara, për një mandat 9 (nëntë) vjeçar pa të drejtë riemërimi. Ky vendim hyn në fuqi në datën 21.05.2020.

Sot me datë 21.05.2020, Presidenti i Republikës organizoi ceremoninë e betimit para fillimit të detyrës të prokurorëve Z. Sotir Kllapi, Z. Dritan Prençi dhe Z. Vladimit Mara. Në ceremoninë e betimit ishin të pranishëm dhe Kryetari i Këshllit të Lartë të Prokurorisë Z. Gent Ibrahimi, si dhe Drejtuesi i Prokurorisë së Posaçme Z. Arben Kraja.

Nga dita e sotme, data 21.02.2020 Prokuroria e Posaçme do të përbëhet nga 12 prokurorë të emëruar, nga 15 prokuroroë që është organika e miratuar nga Këshilli i Lartë i Prokurorisë.

Shprehim bindjen që emërimi i tre prokurorëve të rinj do t’i shërbejë rritjes së përformancës dhe efektivitetit të punës së Prokurorisë së Posaçme.